मस्को:= रुसी राष्ट्रपति भ्लादिमिर पुटिनका सहयोगी युरी उशाकोभले अमेरिकी राष्ट्रपति डोनाल्ड ट्रम्पको भारत र पाकिस्तानबीचको शत्रुता अन्त्य गर्ने मध्यस्थताको दाबीलाई समर्थन गर्नुभएको छ। उशाकोभले ट्रम्प र रुसी राष्ट्रपति भ्लादिमिर पुटिनबीचको टेलिफोन वार्तामा छलफल भएअनुसार भारत–पाकिस्तान द्वन्द्व अमेरिकी राष्ट्रपति डोनाल्ड ट्रम्पको ‘व्यक्तिगत’ संलग्नताले समाधान भएको बताउनुभयो ।
“मध्यपूर्वका साथै भारत र पाकिस्तानबीचको सशस्त्र द्वन्द्वबारे छलफल भएको थियो, जुन राष्ट्रपति ट्रम्पको व्यक्तिगत संलग्नताले रोकियो”, उहाँले भन्नुभयो ।सर्वदलीय प्रतिनिधिमण्डलका नेता एवं कांग्रेस सांसद शशी थरूरले अमेरिकी उपराष्ट्रपति जेडी भान्ससँगको भेटमा भारत–पाकिस्तान सङ्कटमा मध्यस्थता गरेको अमेरिकी राष्ट्रपति डोनाल्ड ट्रम्पको दाबीलाई स्पष्ट गरेकाले यो मुद्दा अमेरिका र भारतबीच विवादको विषय बनेको छ ।
एएनआईसँग कुरा गर्दै थरूरले भान्ससँगको प्रतिनिधिमण्डलको बैठक राम्रो भएको र उहाँले प्रतिनिधिमण्डलको स्थिति बुझेको बताउनुभयो । “उपराष्ट्रपति भान्ससँगको भेट उत्कृष्ट, धेरै राम्रो, धेरै स्पष्ट थियो । हामीले मध्यस्थताको यस प्रश्नमा हाम्रो स्थिति पर्याप्त रूपमा स्पष्ट पार्यौँ र उपराष्ट्रपति भान्सले हाम्रो बुँदाहरू पूर्ण रूपमा बुझ्नुभएको थियो भन्ने मलाई लाग्छ”, उहाँले भन्नुभयो ।
“मुख्य कुरा भनेको मध्यस्थताले दुई पक्षबीच समानता बुझाउँछ र आतङ्कवादीहरू र तिनीहरूका पीडितहरूबीच, आतङ्कवादीहरूलाई सुरक्षित आश्रय दिनेहरू र अर्कोतर्फ बहुदलीय लोकतन्त्रबीच कुनै समानता हुन सक्दैन । एकातर्फ जहाँबाट आक्रमणहरू आइरहेका छन्, अर्को देश जुन आफ्नो रक्षा गर्ने, बाँच्ने अधिकार प्रयोग गर्ने प्रक्रियामा छ, त्यहाँ कुनै समानता हुन सक्दैन”, उहाँले भन्नुभयो ।
थरूरले मध्यस्थताको दाबीमा भारतको अडानको सन्देश भान्स र अमेरिकी प्रशासनका अन्य तहहरूले बुझेको बताउनुभयो । “त्यसैले हामीले यसलाई हेर्ने उपयुक्त तरिका हुनेछैन भनेर सुझाव दियौँ र सन्देश उपराष्ट्रपतिले धेरै स्पष्ट रूपमा बुझ्नुभएको छ, निश्चित रूपमा प्रणालीका अन्य तहहरूमा पनि सन्देश स्पष्ट रूपमा बुझिएको छ भन्ने मलाई लाग्छ”, उहाँले भन्नुभयो ।
अमेरिकी राष्ट्रपति डोनाल्ड ट्रम्पले मे ३१ मा भारत र पाकिस्तानबीचको शत्रुता अन्त्य गर्ने मध्यस्थताको श्रेय दावी गर्दै आफ्नो प्रशासनको व्यापार वार्ताले दुई देशबीचको आणविक युद्धलाई सम्भावित रूपमा रोक्न सक्ने दाबी गर्नुभएको थियो ।
-एएनआई
